frumsýning: merrimack – the falsified son

Mynd: Alizee Adamek

Í dag, sumardaginn fyrsta, frumsýnir Andfarinn lag með frönsku djöflarokksveitinni Merrimack en nýjasta breiðskífa hennar, Omegaphilia, kemur út hjá Season of Mist níunda júní næstkomandi.

Perversifier, gítarleikari hljómsveitarinnar, stofnaði Merrimack 1994, rétt eftir að black metal sprengjan reið yfir heimsbyggðina. Síðan þá hefur hljómsveitin gefið út ógrynni af kassettum, vínil og geisladiskum og farið í gegnum slatta af breytingum á meðlimaskipan.

En þrátt fyrir breytingar á liðsskipan keyrir hljómsveitin ennþá sitt klassíska franska djöflarokk af fullum krafti og stefnir ekki á neinar breytingar þar.


ný tónlist: ulsect – unveil

Season of Mist skellti nýju lagi með Ulsect á netið í dag, en platan sú kemur út tólfta maí.

Dauðarokksskriðdrekinn hollenski inniheldur gítarleikarann Joris Bonis og trommarann Jasper Barendregt úr Dodecahedron, Dennis Aarts, fyrrum bassaleikara Textures, og að lokum Dennis Maas á röddum og Arno Frericks á gítar.

frumsýning: river black – low

Í dag frumsýnir Andfarinn lag með amerísku hljómsveitinni River Black en fyrsta breiðskífa hennar, Radiation, kemur út hjá Season of Mist sjöunda júlí næstkomandi.

Þó River Black sé ungt band þá hafa meðlimir hennar komið víða við, þar á meðal í Burnt by the Sun, en þaðan kemur meirihluti þeirra.

Samkvæmt Mike Olender fjallar „Low“ um það hvernig hægt er að nota trúarbrögð til slæmra hluta.

„Our first track out, ‘Low’ is an expression of horror at how religion can become twisted and manipulated by charlatans and demagogues. It was inspired by a news report, I heard about a journalist, who spent some time with the now-deceased Isis leader ‘Johnny Jihad’. It revealed how this man used brutality with the purpose of inspiring others with similarly twisted minds. He used videos of his actions as recruiting tools. I was struck by the thought that there are people out there, who not only wouldn’t be repelled by these horrific videos, but actually excited and inspired by the images of this man gleefully sawing off the heads of the orange-clad victims kneeling before him. Faiths have always had these characters throughout history, but it is surreal to realize we are living in such dark historic times.“

frumsýning: necrowretch – satanic slavery

Í dag frumsýnir Andfarinn breiðskífu með frönsku dauðarokksveitinni Necrowretch en nýjasta breiðskífa hennar, Satanic Slavery, kemur út hjá Season of Mist næsta föstudag.

Að sögn hljómsveitarinnar var það ómögulegt að halda þessari plötu haminni lengur, dýrið innra með henni krafðist þess að því yrði sleppt strax. Dýr fyllt orku þess öfgarokks sem Necrowretch hafa alltaf kosið.

frumsýning: impure wilhelmina – great falls beyond death

Í dag frumsýnir Andfarinn lag með svissnesku altrokksveitinni Impure Wilhelmina en sjötta breiðskífa hennar, Radiation, kemur út hjá Season of Mist sjöunda júlí næstkomandi.

Við erum að tala um tilfinningadrifið rokk hérna hjá Impure Wilhelmina. Þetta er tónlist fyrir fólk sem er í tengslum við sitt innra sjálf. Aðdáendur Katatonia, Paradise Lost og jafnvel Tiamat ættu að finna eitthvað við sitt hæfi á Radiation.

windswept – the great cold steppe

Í dag frumsýnir Andfarinn heila plötu með úkraínsku sveitinni Windswept en fyrsta breiðskífa hennar, The Great Cols Steppe, kemur út hjá Season of Mist á morgun.

Það má vel vera að þú þekkir ekki nafnið, en þú ættir að þekkja nafn eins þeirra sem á bakvið hljómsveitina standa, Roman Saenko. Eftir hann liggur haugur af plötum, kassettum og smáskífum með Drudkh, Blood of Kingu og Old Silver Key, svo eitthvað sé nefnt.

Innblásturinn fyrir þetta verkefni þeirra félagi kemur frá náttúrunni, sem er nú ekki óalgengt í djöflarokkinu. Vetrarhörkurnar á sléttunum miklu í austri er það sem dreif þá félaga áfram á þeim þremur dögum sem það tók að taka þessa plötu upp. Engin tónlist var samin áður, allt var búið til á staðnum.

frumsýning: ulsect – our trivial toil

Í dag frumsýnir Andfarinn lag með hollensku djöflarokkssveitinni Ulsect en nýjasta breiðskífa hennar, sem er samnefnd sveitinni, kemur út hjá Season of Mist tólfta maí næstkomandi.

Dauðarokksskriðdrekinn hollenski inniheldur gítarleikarann Joris Bonis og trommarann Jasper Barendregt úr Dodecahedron, Dennis Aarts, fyrrum bassaleikara Textures, og að lokum Dennis Maas á röddum og Arno Frericks á gítar.

Samkvæmt hljómsveitinni býður „Our Trivial Toil“ okkur uppá algjört tilgangsleysi og leið mannsins að óumflýjanlegum endalokum.

Hljómar eins og gott dauðarokk.

frumsýning: beyond creation – coexistence

Í dag frumsýnir Andfarinn myndband með kanadísku tæknidauðasveitinni Beyond Creation en síðasta breiðskífa hennar, Earthborn Evolution, kom út hjá Season of Mist 2014.

Þetta er tónlist fyrir fólk sem elskar Gorguts, Obscura og aðrar, álíka, sveitir. Þetta er myndband fyrir fólk sem elskar að sjá elgtanað tæknirúnk þar sem hljómsveitarmeðlimir líta ekki út eins og spítukallar á sviðinu.

frumsýning: carach angren – song for the dead

Í dag frumsýnir Andfarinn lag með hollensku hryllingsrokksveitinni Carach Angren en nýjasta breiðskífa hennar, Dance and Laugh amongst the Rotten, kemur út hjá Season of Mist sextánda júní næstkomandi.

Lagið nefnist „Song for the Dead“ og er fyrsta lagið sem fer í spilun af fimmtu plötu sveitarinnar.

Eins og áður má fólk búast við skelfingarrokki sem hefur sínar rætur í djöflarokki, en í þessu lagi finnst mér heyrast meiri áhrif frá Devil Doll, til dæmis, en heyrst hefur áður.

Hvort öll skífan verður eitt stórt verk til heiðurs Mr. Doctor kemur í ljós eftir því sem fleiri lög fara í loftið, en það væri ekki slæmt ef svo yrði.

frumsýning: replacire – do not deviate

Í dag frumsýnir Andfarinn heila plötu með amerísku tæknidauðarokkssveitinni Replacire en nýjasta breiðskífa hennar, Foreword, kemur út hjá Season of Mist næsta föstudag.

Eric Alper, gítarleikari sveitarinnar, stofnaði Replacire 2010 og tveimur árum seinna kom frumburður hennar út. Síðan þá hefur hljómsveitin farið í gegnum hinar ýmsu breytingar á meðlimaskipan og nú eru Zach Baskin og Evan Berry í Replacire ásamt fyrrnefndum Eric. Að auki eru Poh Hock og Kendal Divoll með þegar sveitin stígur á svið.

Eins og áður sagði er hér um tæknidauða að ræða og ætti þetta því að höfða vel til fylgjenda seinna tímabils Death, þess sem Cynic gerði á Focus, jafnvel að fólk sem fílar Hate Eternal og Artificial Brain finni þarna eitthvað við sitt hæfi. Kannski.