frumsýning: foscor – ciutat tragica

Mynd: Raquel Garcia

Í dag frumsýnir Andfarinn lag með spænsku dimmproggsveitinni Foscor en nýjasta breiðskífa hennar, Les Irreals Visions, kemur út hjá Season of Mist níunda júní næstkomandi. Með hljómsveitinni í för í þessu lagi er Alan Averill, sem einhverjir ættu að þekkja sem söngvara írsku dómsdagsmálmssveitarinnar Primordial.

offisial búttlegg myndband ketzer

ketzer

Stundum verða myndbönd til án þess að nokkur hafi beðið um það. Þetta myndband hérna með þýsku hljómsveitinni Ketzer var tekið á túr hennar um Evrópu með Primordial og Svartadauða. Eitthvað lið frá plötufyrirtækinu sem hljómsveitin er á mála hjá kíkti á eina af tónleikunum á túrnum, tóku þetta uppá símana og úr varð myndband við lögin “When Milk Runs Dry” og “Starless”. Ekki slæmt það.

one and all, together, for home heilstreymi á andfara

winterfylleth
texti: eyvindur gauti

Nú eru innan við tíu dagar í útgáfu Underground Activists (Season of Mist) á hinni massífu safnskífu One and All, Together, for Home. Til þess að létta ykkur biðina hefur Andfari ákveðið að bjóða ykkur upp á forhlustun næstu vikuna þar sem þið getið hlustað á gripinn í allri sinni dýrð.

Meðal hljómsveita sem á skífunni er að finna má nefna Primordial, Kampfar, Drudkh og Winterfylleth en allar eiga þessar hljómsveitir langan og farsælan feril að baki, en hugmyndina að þessu öllu saman má rekja til Roman Sayenko, stofnanda Drudkh.

Aðspurður segir söngvari og gítarleikari Winterfylleth, Chris Naughton, að hugmyndin á bakvið safnskífuna hafi verið sú að þarna kæmu saman listamenn hvaðanæva úr Evrópu með það að meginmarkmiði að enduruppgötva sögu og hefðir sinna heimkynna í gegnum þjóðlagatónlist.
Evrópa hefur einstaklega sterka þjóðlagahefð, segir Chris, og hljómsveitirnar sem taka þátt í þessari útgáfu koma frá mjög mismunandi löndum um alla álfuna. Hvert þeirra með einstakan tónlistarstíl og hefðir sem má vinna úr. Þjóðlagatónlist hefur lifað af hamfarir heimsögunnar vegna þess að fólk kemur saman og segir hvert öðru sögurnar, sagnir og þjóðfræði gamla tímans og endurskapar lögin þannig að það, fólkir tengir við þau á þeirra tíma.

One and All, Together for Home kemur út 23. maí og er hægt að panta hana beint frá Season of Mist. Heiðurinn af kápu skífunnar á Adrien Bousson en verk hans hefur meðal annars mátt finna á skífum með Saint Vitus, Tsjuder og Rotting Christ.

Heimasíða Season of Mist
Heimasíða Adrien Bousson

Hljómplatan verður í loftinu fram til miðvikudagsins 21. maí.