frumsýning: ulsect – our trivial toil

Í dag frumsýnir Andfarinn lag með hollensku djöflarokkssveitinni Ulsect en nýjasta breiðskífa hennar, sem er samnefnd sveitinni, kemur út hjá Season of Mist tólfta maí næstkomandi.

Dauðarokksskriðdrekinn hollenski inniheldur gítarleikarann Joris Bonis og trommarann Jasper Barendregt úr Dodecahedron, Dennis Aarts, fyrrum bassaleikara Textures, og að lokum Dennis Maas á röddum og Arno Frericks á gítar.

Samkvæmt hljómsveitinni býður „Our Trivial Toil“ okkur uppá algjört tilgangsleysi og leið mannsins að óumflýjanlegum endalokum.

Hljómar eins og gott dauðarokk.

frumsýning: carach angren – song for the dead

Í dag frumsýnir Andfarinn lag með hollensku hryllingsrokksveitinni Carach Angren en nýjasta breiðskífa hennar, Dance and Laugh amongst the Rotten, kemur út hjá Season of Mist sextánda júní næstkomandi.

Lagið nefnist „Song for the Dead“ og er fyrsta lagið sem fer í spilun af fimmtu plötu sveitarinnar.

Eins og áður má fólk búast við skelfingarrokki sem hefur sínar rætur í djöflarokki, en í þessu lagi finnst mér heyrast meiri áhrif frá Devil Doll, til dæmis, en heyrst hefur áður.

Hvort öll skífan verður eitt stórt verk til heiðurs Mr. Doctor kemur í ljós eftir því sem fleiri lög fara í loftið, en það væri ekki slæmt ef svo yrði.

frumsýning: ulsect – fall to depravity

Í dag frumsýnir Andfarinn lag með hollensku djöflarokkssveitinni Ulsect en nýjasta breiðskífa hennar, sem er samnefnd sveitinni, kemur út hjá Season of Mist tólfta maí næstkomandi.

Dauðarokksskriðdrekinn hollenski inniheldur gítarleikarann Joris Bonis og trommarann Jasper Barendregt úr Dodecahedron, Dennis Aarts, fyrrum bassaleikara Textures, og að lokum Dennis Maas á röddum og Arno Frericks á gítar.

Það ætti ekki að koma neinum á óvart að áhrif úr þeim hljómsveitum sé að finna í Ulsect ásamt því að angan af Gorguts og Deathspell Omega ætti einnig að berast úr hátölurum þegar „Fall to Depravity“ er skellt á fóninn.

hefurðu tékkað á nýju urfaust plötunni?

Íslandsvinina í Urfaust ættu nú allir að þekkja. Síðasta föstudag kom nýjasta plata sveitarinnar, Empty Space Meditation, út í gegnum Ván Records og ef þú ert ekki þegar búin/n að tékka á henni hvet ég þig til þess að gera það strax. Ván Records skellti einmitt plötunni upp á Soundcloud þannig að smelltu endilega á play á spilastokkinum hér fyrir neðan.

nýtt caragh angren vídjó á andfara

Á meðan Carach Angren ferðast um Norður-Ameríku með heljarrokkurunum í Marduk, Rotting Christ og Necronomicon, tökum við hér því rólega og kíkjum á myndbandið sem Season of Mist lét okkur í té.

Myndbandið er gert við lagið “ When Crows Tick on Windows“ og tekið af plötunni This is No Fairytale sem kom nýlega út í gegnum frönsku útgáfuna.

the monolith deathcult – bloodkvlts

Íslendingar þekkja The Monolith Deathcult vel. Hljómsveitin hefur heimsótt okkur oftar en einu sinni og eignast marga aðdáendur hérlendis.

Tuttugasta og þriðja mars næstkomandi kemur Bloodkvlts út, ný smáskífa hollensku verksmiðjudauðarokkaranna, og það er Andfarinn er afskaplega kátur með frumsýna hana hér.Líkt og Tetragrammaton kemur hún út á vegum Season of Mist og er hægt að versla hana hér.

carach angren – this is no fairytale

Hollenska hrollrokkssveitin Carach Angren ætti að vera lesendum Andfara ágætlega kunn. Á síðustu vikum hafa tvö lög af væntanlegri breiðskífu sveitarinnar, This is No Fairytale, hljómað á síðum Farans og nú er kominn tími á að heildin fái að hljóma hér. Eftir mikla leit náðist í hljómborðsleikara sveitarinnar, Ardek að nafni, sem var reiðubúinn til þess að útskýra það aðeins fyrir undirrituðum hvað Carach Angren væri um og hvaðan innblásturinn kæmi. Það er því um að gera að setja tónlistina af stað, spilastokkurinn er hér fyrir neðan, og lesa svo orð Ardeks um hljómsveitina og ævintýrin.

Innblásturinn kemur víðsvegar að, hann getur komið frá kvikmyndum, bókum, leikjum en þó hellist hann helst yfir okkur þegar við setjumst niður saman og ræðum um næstu breiðskífu okkar. Þegar hugurinn fer á flug þá hellist innblásturinn yfir okkur. Þegar hugmyndin að næstu sögu er tilbúin þá kemur tónlistin auðveldlega í kjölfarið. Sagan er í raun leiðarvísir fyrir tónlistina. Við leyfum tilfinningunum að bera okkur eins og þær birtast okkur í ævintýrum okkar.

En hvers vegna völduð þið ævintýri af þessu tegund? Heillaði Satan ykkur ekkert? Draugasögur, sögur af handheimum og því óþekkta? Er það ekki bara fyrir börn?

Hahahaha, jú. Okkur líður einmitt oft eins og ofvirkum börnum þegar við erum að! Á meðan við urðum fyrir miklum áhrifum frá djöflarokkinu á okkar yngri árum þá fannst okkur að Carach Angren þyrfti að fara í aðra átt. Þannig að frá byrjun hljómsveitarinnar höfum við skapað okkar okkar eigin heim, sem er fullur af hryllingssögum með yfirskilvitleg þemu. Það athyglisverða með þemu sem þessi er það að þau höfða til allra, þar með talið hina fullorðnu. Hið óþekkta hefur löngum haft áhrif á vísindi og á sama tíma verið mikill innblástur fyrir ýmsar hryllingssagnir.

Carach Angren er hvorki pólitísk né trúarleg hljómsveit, það eina sem við viljum gera er að segja hryllingssögur í frumlegum búningi. Sögurnar veita okkur mun meira rými til sköpunnar en eitt niðurnjörvað viðfangsefni. Ein breiðskífa gæti verið um upprisu Satans frá upphafi til enda en við viljum víkka rammann og leyfa þeim að kynnast persónunum og tengjast þeim áður en færum þá beint niður til Helvítis! Við viljum andstæður og faldar vísbendingar sem þeir sem það vilja geta fundið. En, á sama tíma viljum við að fólki geti notið tónlistarinnar án þess að vera að kryfja söguna um of.

This is No Fairytale kemur út 23. Febrúar hjá Season of Mist og þú getur verslað hana með því að smella á þennan hlekk.