í dag spjöllum við smá við hann þorstein kolbeinson, sem sér um wacken metal battle iceland, og kíkjum á hljómsveitirnar sem taka þátt í ár

Wacken Metal Battle Iceland hefur, næstum, verið fastur liður hér á hverju ári síðustu árin. Í gegnum þessa keppni hafa sveitir eins og Gone Postal (sem nú heitir Zhrine), Ophidian I og Beneath farið út til Þýskalands og spilað fyrir þúsundir hávaðaþyrsta þungarokksaðdáendur á Wacken Open Air. En, hvað er WMB og hvernig kom það til að þú, Þorsteinn K, byrjaðir í þessu?

WMB, eða W:O:A Metal Battle (eða Wacken Metal Battle) er alþjóðleg hljómsveitakeppni sem er haldin af Wacken Open Air þungarokkshátíðinni. Wacken er haldin fyrstu helgina í ágúst ár hvert í smábænum Wacken í Schlesvig Holsten fylki í Norður Þýskalandi. Keppnin hóf göngu sína 2004, þegar 6 hljómsveitir frá Þýskalandi kepptu en fyrstu 2 árin voru bara þýsk bönd í keppninni, þó að 5-6 erlendum sveitum hafi verið boðið að vera með sem gestasveitir. 2006 var keppnin svo útvíkkuð og gerð alþjóðleg fyrir alvöru og 7 þjóðir héldu undankeppnir í sínum löndum og sendu sigursveitir á Wacken. Síðan þá hefur þátttökuþjóðum fjölgað ár frá ári, þangað til að ekki var hægt að hafa fleiri þjóðir en 30 í keppninni, þ.e. einungis 30 slot á Wacken í boði. Þetta var árið 2011 og frá 2012 og síðan þá hefur bara bæst í hópinn og eru núna 42 þjóðir í “familíunni”. Það hefur aftur á móti þýtt að sumar þjóðir hafa þurft að sitja hjá, sem varð hlutskipti Íslands 2014. En, familían heldur áfram að stækka og heyrst hefur að Kúba muni senda hljómsveit á næsta ári. 🙂

Ég hef verið viðrinn Wacken lengur en lengstu menn muna… fór fyrst á hátíðina 1998 og svo aftur 2004 og þá voru svo margir íslendingar að fara að ég hóaði saman í hópferð, sem hefur svo verið farin á hverju ári síðan. Ég var farinn að taka eftir þessari Metal Battle keppni nokkuð snemma og sá hvernig hún var að stækka, og rétti bara upp hönd þarna eftir keppnina 2008 og spurði hvort að Ísland mætti vera með. Það var alveg auðsótt og 2009 var hlaðið í fyrstu keppnina hérna. Oh boy hvað það var gaman að taka þátt í þessu þarna fyrst og upplifa að íslensk hljómsveit var bókuð til þess að spila á Wacken Open Air. Holy Shit maður… Þetta var svona eiginlega fyrir eða í blábyrjun íslensku útrásarinnar í þungarokkinu og Sólstafir t.d. svona rétt að byrja að láta taka eftir sér. Þeir spiluðu þó 2010 á Wacken í fyrsta sinn, en ef frá er talinn Eiki Hauks sem kom fram með Artch á wacken í byrjun þessarar aldar, að þá var Beneath, sem vann keppnina 2009, fyrsta íslenska sveitin til að spila á hátíðinni.

Beneath kom einmitt fram núna í gær á Reykjavík Deathfest og voru það rosalegir tónleikar. Einnig var mjög gaman að sjá Gísla, fyrrum söngvara sveitarinnar, taka eitt lag þarna með henni. Menn hafa greinilega engu gleymt.
En, hverjir eru helstu kostir og gallar þess að standa í þessu?

Kostir: Að geta presenterað íslenskt þungarokk á The Cult Metal Festival heims, Wacken Open Air. Þetta er galin hátíð. Það selst alltaf upp á hátíðina daginn eftir að fyrri hátíð lýkur, og jafnvel þó að bara 5-10 sveitir séu staðfestar, og alveg án þess að þurfi risa-nöfnin í metalnum, eins og Metallica, Slipknot og það dót. Wacken er fyribæri. Wacken bærinn telur undir 2.000 íbúa og þegar 80.000 metalhausar þramma inn um bæjarmörkin á ári hverju er allur bærinn mættur út í garð, með borð og stóla, ömmur og afar í metalbolum með hornin á lofti, að hrópa WACKEN! á skrílinn keyrandi inn í bæinn með rúðurnar niðri og metalinn í botni. Að ótöldum öllum þeim bæjarbúum sem opna garðinn sinn og setja upp sinn eigin “beergarden” og matsölur við aðalgötu bæjarins. Andrúmsloftið á Wacken er engu líkt. Ég hef aldrei upplifað slagsmál á Wacken (nema einu sinni hjá fullum íslendingum í hópferðinni, haha).

Einnig er ótrúlega mikill partur af Wacken helginni orðinn að fá stóran fjölda af erlendu bransaliði til að tékka á íslensku þungarokki. Það er ekkert nema stór-ljómandi.

Gallar: Svakalega tímafrekt. Kostnaðarsamt.

Það kostar allt pening, Þorsteinn, sem maður vill gera vel. Talandi um það, eru WMB keppnirnar venjulega haldnar á þeim skala sem er í gangi hér á landi? Harpan í fyrra, Hlégarður í ár. Einhvern veginn hefði maður haldið að þetta væri frekar haldið á Ellefunni eða Gauknum.

Ég hef ekkert rosalega gott yfirlit yfir umfang keppnanna úti. Ég veit þó að Færeyingar halda keppnina sína í ca 200 manna leikhúsi. Danska úrslitakeppnin í fyrra var á 400 manna flottum spilastað í Álaborg (studenterhuset), þar sem Aalborg Metal Festival fer fram. Keppnin í Hollandi fór fram á 600 manna stað. Þetta er samt svolítið rokkandi. Í mörgum löndum fer þetta einmitt fram á stöðum eins og Gaukurinn, svona þetta 100-200 manna stöðum.

Það hefur verið venjan, eftir því sem ég best veit, að fá erlenda dómara hingað til lands á WMBI. Hér fyrir neðan má sjá lista yfir þá sem dæma í ár, bæði innlenda og erlenda aðila.

Arnar Eggert (Útvarpsmaður, blaðamaður og tónlistarfræðingur)
Arto Mäenpää (Kaaoszine)
Árni Mattíasson (Morgunblaðið)
Birkir Fjalar Viðarsson (Halifax Collect)
Bogi Bjarnason (Black Ice Express)
Dayal Patterson (Metal Hammer UK)
Dieter Bossaerts (Soundguy.be)
Evelyn R. Bär (Metal Battle South Africa)
Eyvindur Gauti (Andfari)
Gunnar Sauermann (Metal Hammer Þýskaland)
Louise Brown (Iron Fist)
Luca Pessina (Metal Italia)
Jochen Lumej (Metal Battle Holland)
Sigvaldi Jónsson (Dordingull)
Stefán Magnússon (Eistnaflug)
Stephen Lockhart (Studio Emissary)
Søren Weiss Kristiansen (BleastBeast DK)
Yngve Christiansen (BlastFest)

Að lokum kíkjum við svo á hljómsveitirnar sem taka þátt í ár. Eins og kom fram í viðtalinu við Þorsteinn verður keppnin haldin í Hlégarði, Mosfellsbæ. Munu sex hljómsveitir keppa um þann heiður að fá að keppa fyrir Íslands hönd á Wacken Open Air tónlistarhátíðinni gegn hljómsveitum víðsvegar úr heiminum. Auk hljómsveitanna sex sem keppa munu sigurvegarar síðasta árs, In the Company of Men, koma fram, sem og Dimma, sem allir Íslendingar ættu nú að þekkja. En, hvaða hljómsveitir eru það sem koma þarna fram?

Aeterna segist vera tilbúin til þess að sparka í rassa og tyggja jórturleður! Þessi öfgarokksveit hefur starfað í rúm fimm ár núna og gaf út breiðskífuna Eschaton á þarsíðasta ári. Eftir endalaust tónleikahald í tilefni þess hefur hljómsveitin eytt síðustu mánuðum í að semja og taka upp nýtt demo og munu áhorfendur án efa fá að heyra glænýtt efni á WMBI.

Auðn var stofnuð 2010 og, ólíkt meirihluta djöflarokkshljómsveita Íslands núna, siglir hún sjó melódísks ofsarokks sem var vinsælt í Noregi um miðbik tíunda áratugarins.

Churchhouse Creepers ættu aðdáendur íslensks stónerrokks að þekkja vel. Bæði Auðn og Creepers tóku þátt í Wacken Metal Battle á síðasta ári, og ég er frekar spenntur á því að sjá hver munurinn er á sveitunum nú að ári liðnu. Svo má nú ekki gleyma því að hljómsveitin gaf út breiðskífuna From Party to Apocalypse sem, eftir því sem ég best veit, hefur verið að fara ágætlega ofan í landann.

Grave Superior er frekar ung hljómsveit, ég held að hún hafi verið stofnuð 2014, en dauðarokk hennar er sterkt og þungt. Ég sá hljómsveitina á Bar11 síðasta föstudag og var hún helvíti sterk þarna, og ef ekki væri fyrir einhver vandræði með hljóð, hefði hún skilað fullkomnu setti af sér.

Lightspeed Legend er kannski ung en hún er skipuð reynsluboltum sem meðal annars spila, eða hafa spilað með, Ophidian I, Ask the Slave, Endless Dark og Future Future. Tónlistina mætti kalla nútímavætt glamrokk, það er svo sannarlega hægt að finna þarna kafla sem minna mann á lög frá þeim tíma, en þetta er ekkert koppípeist dæmi.

While My City Burns. Ef fólk var að hafa áhyggjur af því að WMB yrði harðkjarnalaust í ár þá þarf það ekki að hafa neinar áhyggjur því WMCB mun sjá um að rípresenta þann geira í ár. Sigurvegarar síðasta árs var einmitt harðkjarnasveitin In the Company of Men, svo það verður athyglisvert að sjá hvort Ísland muni senda harðkjarnasveit tvö ár í röð á Wacken Open Air.

zhrine – utopian warfare (nýtt lag)

Andfarinn er ennþá Jón Sækd yfir því að það sé að loksins að koma út breiðskífa með Zhrine. Hinum ókrýndu konungum íslensks dauðarokks, segja sumir. Þeir aðilar átta sig ekki á því að við búum í lýðveldi, ekki konungsríki, þar sem þingræði er.

En, um hvaða plötu er verið að tala um. Unortheta mun skífan sú heita, og kemur hún út í byrjun næsta mánaðar hjá Season of Mist! En, það eina sem ég vil vita er…

…HVENÆR ERU ÚTGÁFUTÓNLEIKARNIR!?!?! Hér á landi! Eitthvað útlandaflipp telst ekki með!


12798854_596995267125226_9141903697436684544_n

zhrine – empire

Já, ég veit að Sylvaine var nú ekki eins mikið djöflarokk og ég vildi selja þér en engar áhyggjur, hér er komið almennilegt djöflarokk!

En þetta er samt ekki djöflarokk, frekar dimmt, drungalegt og djöfullegt dauðarokk. Og það virkar alveg einstaklega vel.

Því að… Loksins er platan að fara koma út! Hvaða plata? Unortheta! Þú manst, það sem hljómsveitin hét í fimm mínútur á milli Gone Postal og Zhrine. Hún kemur út áttunda apríl hjá Season of Mist und ze Andfari ist Sæked! Jón Sæked!

Já, og ef þú ert að leita að ástæðu til þess að skreppa til London en veist ekkert hvað þú átt að gera þar, þá eru Zhrine, Severed og Auðn að spila á The Black Heart tuttugasta maí. Þú gætir gert margt verra í lífinu en að kíkja á þá tónleika.

zhrine á samning hjá season of mist

Zhrine, hljómsveitin sem hét eitt sinn Shrine, þar á undan Unortheta og þar á undan Gone Postal hefur eignast nýtt heimili. Franska útgáfan Season of Mist hleypti hljómsveitinni inn í hlýjuna og er von á fyrsta afkvæminu á fyrri hluta næsta árs.

Þetta eru svo sannarlega gleðifréttir og hlakkar undirrituðum mjög svo til þess að hlusta á plötuna þegar hún kemur út og er það vonandi að við fáum að sjá þá á sviði í náinni framtíð.

shrine æla drunga í nýju myndbandi

Það hefur færst í aukana að hljómsveitir sendi frá sér myndbönd sem tekin eru upp í hljóðverum til þess að láta áhugasama vita hvernig upptökurnar ganga. Hljómsveitin Shrine, sem hét eitt sinn Gone Postal og í afskaplega stuttan tíma Unortheta, tók þetta skrefinu lengra og birti fyrir helgina myndband við lagið “Spewing Gloom” sem er eingöngu sett saman úr klippum sem teknar voru upp á meðan sveitin tók upp skífuna Unortheta.

Eftir því sem ég best veit er hljómsveitin ekki komin með samning um útgáfu á plötunni en miðað við þetta lag ætti það ekki að vera mikið mál fyrir Shrine að finna áhugasama aðila.

narthraal


Einhverra hluta vegna hélt Andfarinn að dauðarokkið hefði dáið út á Íslandi um miðbik tíunda áratugs síðustu aldar, hann er allavega nógu duglegur að halda því fram. Þó er hann eitthvað byrjaður að draga í land með það því reglulega er hann minntur á Gone Postal, Ophidian I, Severed, Angist og svo Narthraal, sem stofnuð var á seinni hluta 2012. Hljómsveitin er einmitt að fara að spila á Bar 11 í kvöld. Því þótti það við hæfi að senda örfáar spurningar á hljómsveitina og þá kannski helst til þess að komast að því hvað í helvítinu Narthraal væri.

Narthraal er old school death metal hljómsveit sem fjallar um heim sem er lauslega bygður á helvíti og er drottnaður af hinum fallna sem vill einungis sleppa út og leisa hatur sitt úr læðingi.

Ævintýraheimstextar? Af hverju í ósköpunum?

Afþví við kunnum, getum og viljum, hvaða máli skiptir það hvort eð er? svo fremst sem þeir eru brvtal!

Hvað hefur Narthraal gert sem vert að athuga?

Hægt er að skoða EPið okkar ‘Blood Citadel’ og kaupa hana í gegnum facebook síðuna okkar eða í email Narthraal@gmail.com…eða jú á tónleikum.

Tónleikum segirðu… Þið eruð nú að fara að spila á tónleikum í kvöld. Af hverju ætti fólk að mæta á Ellefuna og horfa á ykkur frekar en að hanga heima og borða jógúrt?

Af því að þau missa annars af heljarinnar showi, góðu djammi og frábærri tónlist! Og jógúrt svona seint á kvöldin er óhollt.

wacken metal battle iceland snýr aftur

Eftir smá hlé hefur hin íslenska útgáfa Wacken Metal Battle snúið aftur og án efa eru einhverjir spenntir fyrir því. Sigursveit keppninnar hér á landi fær svo tækifæri til að koma fram á Wacken Open Air hátíðinni þar sem hún mun etja kappi við aðrar sigursveitir Wacken Metal Battle víðsvegar að úr heiminum.

Án efa verður eitthvað fleira í vinning og því er um að gera fyrir áhugasamar hljómsveitir að smella á þennan hlekk og athuga hvað er í boði. Eins og kemur fram hér að ofan unnu Ophidian I síðast þegar keppnin var haldin hér á landi en fyrir utan hana hafa Gone Postal, Atrum, Wistaria og Beneath tekið þátt fyrir Íslands hönd.