frumsýning: replacire – do not deviate

Í dag frumsýnir Andfarinn heila plötu með amerísku tæknidauðarokkssveitinni Replacire en nýjasta breiðskífa hennar, Foreword, kemur út hjá Season of Mist næsta föstudag.

Eric Alper, gítarleikari sveitarinnar, stofnaði Replacire 2010 og tveimur árum seinna kom frumburður hennar út. Síðan þá hefur hljómsveitin farið í gegnum hinar ýmsu breytingar á meðlimaskipan og nú eru Zach Baskin og Evan Berry í Replacire ásamt fyrrnefndum Eric. Að auki eru Poh Hock og Kendal Divoll með þegar sveitin stígur á svið.

Eins og áður sagði er hér um tæknidauða að ræða og ætti þetta því að höfða vel til fylgjenda seinna tímabils Death, þess sem Cynic gerði á Focus, jafnvel að fólk sem fílar Hate Eternal og Artificial Brain finni þarna eitthvað við sitt hæfi. Kannski.

frumsýning: disperse – foreword

Í dag frumsýnir Andfarinn heila plötu með pólsk-ensku öfgamálmssveitinni Disperse en nýjasta breiðskífa hennar, Foreword, kemur út á Season of Mist næsta föstudag.

Þetta er þriðja breiðskífa hljómsveitarinnar og eins og á hinum þá teygir hljómsveitin hugtakið sem þungarokkið er út í ystu æsar.

En hvað þýðir það? Tja, nú þegar ég hlusta á fyrsta lagið, „Stay“, þá heyrist mér það þýða að þungarokkinu sé vafið í bómul fulla af proggpoppi.

Þetta er Cynic fyrir tyggjókúlukynslóðina.

frumsýning: replacire – horsestance

Í dag frumsýnir Andfarinn lag með amerísku tæknidauðarokksveitinni Replacire en nýjasta breiðskífa hennar, Do Not Deviate, kemur út hjá Season of Mist sautjánda mars næstkomandi.

Eric Alper, gítarleikari sveitarinnar, stofnaði Replacire 2010 og tveimur árum seinna kom frumburður hennar út. Síðan þá hefur hljómsveitin farið í gegnum hinar hefðbundnu breytingar á meðlimaskipan og nú eru Zach Baskin og Evan Berry í Replacire ásamt fyrrnefndum Eric. Að auki eru Poh Hock og Kendal Divoll með þegar sveitin stígur á svið.

Eins og áður sagði er hér um tæknidauða að ræða og ætti þetta því að höfða vel til fylgjenda seinna tímabils Death, þess sem Cynic gerði á Focus, jafnvel að fólk sem fílar Hate Eternal og Artificial Brain finni þarna eitthvað við sitt hæfi. Kannski.