wormed – the singularitarianism

wormed
wormed

Wormed er örugglega það sem margir skilgreina sem dauðarokk fyrir lengra komna. Söngur sem hljómar eins og hann sé tekinn beint úr svínabúinu, rétt áður en rútan í sláturhúsið keyrir í hlaðið, og restin af hljómsveitinni hljómar eins og hún sé með kláðamaur í rassgatinu og geti ekki verið kyrr.

Allt hljómar þetta rosalega vel og því efast ég ekki um að mörg sem þetta lesa, allavega þau sem ætla á Reykjavík Deathfest, eigi eftir að hafa gaman af Krigshu, nýjustu plötu sveitarinnar, þegar Season of Mist gefur hana út. Allt í lagi, þetta var kannski dálítið gróft neimdropp þarna með RVKDF, þar sem Wormed eru ekki að spila á þeirri hátíð, en þannig rúllar maður bara stundum. Of svalur fyrir lífið, of verðmætur fyrir þennan heim!

rotten sound – brainwashed

rotten sound / mynd: mika aalto
rotten sound / mynd: mika aalto

Síðan 1994 hefur finnska hljómsveitin Rotten Sound leitt ýmis óþægileg málefni fyrir augu okkar og eyru í gegnum stórhættulegann mulningskjarna hennar.

Tuttugu og tveimur árum, og sex breiðskífum, síðar er hljómsveitin hvergi nærri hætt eins og má vel heyra hér á laginu sem hljómsveitin frumsýnir af væntanlegri plötu sinni í dag.

Skífan sú, sem nefnist Abuse to Suffer, kemur út átjánda mars hjá Season of Mist.

ámsvartnir – in darkness

Ég fékk leyfi hjá meðlim Ámsvartnir til þess að skella þeim þremur lögum sem hljómsveitin hafði á Fire and Ice safndisknum yfir á Soundcloud.

Af hverju? Ég nota símann mikið til þess að hlusta á tónlist og Soundcloud finnst mér þægilegast til þess að streyma tónlist.

Endilega kíkið á „In Darkness“ og svo hin lög hljómsveitarinnar sem eru inn á Soundcloud síðu Andfara.

reykjavík deathfest

deathfest

Það bætist sífellt í flóru tónlistarhátíða hér á landi sem höfða til unnenda öfgarokks af ýmsu tagi. Eistnaflug og Andkristnihátíð hafa fylgt okkur í meira en áratug og Norðanpaunk stefnir í að verða fastur punktur um verslunarmannahelgina.
Í ár má búast við, allavega, tveimur hátíðum í viðbót, því Oration verður haldin núna eftir rúma viku og Reykjavík Deathfest strax eftir páska. Mér lék forvitni á að heyra hverjir væru á bakvið hina reykvísku dauðarokkshátíð og heyrði því í Aðalsteini úr Auðn og náði smá af upplýsingum upp úr honum.

Ég og Ingólfur Ólafsson (Ingó úr Severed – Innskot A.) erum megin skipuleggjendur hátíðarinnar en það er góður hópur drengja sem einnig lögðu hönd á plóg.

Hvað kom til að þið ákváðuð að gera hátíð af þessu tagi?

Hugmyndin kviknaði hjá mér þegar Ég, Hjalti og Siggi úr Auðn endurvöktum gamalt project sem hafði blundað síðan 2007. Við fundum loks bassaleikara sem hentaði í verkið og okkur langaði að koma efninu frá okkur og halda tónleika og þar kom hugmyndin að halda almennilega deathmetal tónleika til. Þá hafði ég í huga allt það helsta á íslenska markaðnum og það var ekki fyrr en ég hafði samband við Ingó varðandi að koma hugmyndinni af stað sem við fórum að hugsa stærra. Við hittumst nokkrir og lögðum á ráðin og útkoman var þessi að fara alla leið og bóka eina af upphalds hljómsveitum okkar allra og fá merginn af íslensku dauðarokki með í för.

Má búast við því að fleiri hljómsveitir bætist við eða er hljómsveitaskipan fullmótuð nú þegar?

Þetta er full line-up þetta árið. Við stefnum á að gera þetta að árlegum viðburði sem á vonandi eftir að stækka með hverju skiptinu. Upphaflega ætluðum við að halda tvö kvöld og hafa því mun fleiri bönd en tími og fjármagn vann gegn okkur og því varð eitt kvöld fyrir valinu að þessu sinni.

Að lokum er nauðsynlegt að minnast á nafnið, því það eru nú til nokkrar „Deathfest“ hátíðir út í hinum stóra heimi. Er Reykjavík Deathfest á einhvern hátt tengd útlendum tónlistarhátíðum sem bera „Deathfest“ titilinn?

Hátíðin tengist þeim ekki á neinn hátt nema að nafninu til, við vorum aðeins að kynna okkur nafnið og það lýtur út fyrir að menn séu nefnandi hitt og þetta Deathfest og það krefjist engrar tengingar við hina eiginlegu „Maryland Deathfest“. Vonum bara að við fáum ekki lögfræðing á okkur hehe.

destroyer 666 – wildfire (vídjó)

Þetta myndband, sem Andfarinn frumsýnir í dag, er álíka hart og Pablo Escobar er látinn líta út í Narcos. Grjóthart! Þungt rokk og ról, fullt af pósum og meira leður en Judas Priest koma fyrir í öllum sínum myndböndum! Á lífið ekki að vera þannig?

Þetta er myndband við lagið „Wildfire“ sem er af plötunni Wildfire, með hljómsveitinni Destroyer 666. Skífan sú kemur út hjá Season of Mist tuttugasta og sjötta þessa mánaðar.

hver er uppáhalds febrúarplatan þín?

Þegar ég var yngri áttaði ég mig ekki á því hvað eldri kynslóðinni fannst flott við Rolling Stones eða Cat Stevens, fyrir mér var þetta bara vælukjóatónlist. Pabbarokk og mömmupopp.

En, ef eitthvað æskublómið reynir að halda því fram að War Master, meistarverk Bolt Thrower, en sú plata heldur uppá tuttugu og fimm ára afmælið sitt í þessum mánuði, sé bara tónlist fyrir eldri borgara þá mun ég taka þann hipstera andskota og þvo munn viðkomandi með grænsápu!